Jonathan Swift: TRAVELOS DE GULLIVER (part 1-10)

No sur propala, po som grunos, turbi lo lekter pe pekulayos de na aventuros in yen maros; it sufu po le informi, ke in na paso da ye a Esta Indyos, nos sir drivat pe un violenta orago al nord-west de Van Diemen'oy Land. Pe un observazo, nos ne trir nel latitud de 30 grados 2 minutos sude.

Jonathan Swift: TRAVELOS DE GULLIVER (part 1-9)

Lo lasta d' et travelos no provir si muy ventura, mi jir lasa del mar, e intentir sti domye kon ma spozin e famil. Mi removir dal Old Jewry a Fetter Lane, e da ye a Wapping, sperande rici afaros intel naveros; mo no oxir ete. Do tre anyos d'expekto ke ecos melur, mi axeptir un vantaga ofro da Kaptan William Prichard, mastro del Antilop, ki sir fanda un travel al Suda Mar. Nos velir da Bristol, qar Meyo, 1699, e na travel sir prime muy prospa.

Jonathan Swift: TRAVELOS DE GULLIVER (part 1-8)

Mi pasir ma oros de oskol lejande lo bonesta autoros, antika e moderna, ande sem un numon de libros; e van mi sir onkusta, observande manyeros e disponados de jensos, asben aprenande za linguo; voine mi ir un gran izo, pel forto de ma mem.

Jonathan Swift: TRAVELOS DE GULLIVER (part 1-7)

Mo ma bon mastro Bates mortir do du anyos, e mi ir pok amikos, donk ma afaros raspensir; den ma konshenso no me permur imiti mal pratik de troa mulunos inte ma fratos. Do i konsultat kon ma spozin, e somunos de ma konelos, mi decidir gi anuve a mar. Mi sir kirurgo suxede in du shipos, e fir plul travelos dun sit anyos, al Esta e Westa Indyos, pe keos mi ricir som pluazo a ma fortun.

Jonathan Swift: TRAVELOS DE GULLIVER (part 1-6)

Mi prenir part de let dom in Old Jewry; e sande konselat ut altri ma kondis, mi marlir Damel Mary Burton, dua filin de Siro Edmund Burton, kalser, in Newgate-strado, kon keo mi ricir qarek sterlingos po un porso.

Jonathan Swift: TRAVELOS DE GULLIVER (part 1-5)

Sun do ma ritorno da Leyden, mi sir rakomandat pe ma bon mastro, Siro Bates, ut si kirurgo pol Ronden, kaptan Abraham Pannel, komander; kon keo mi kontinuir tre anyos e dim, fande un travel o du a Levant, e somos partos. Van mi revenir mi risolvir me instali in London; a keo Siro Bates, ma mastro, me inkoragir, e pe il mi sir rakomandat a plul egrunos.

Jonathan Swift: TRAVELOS DE GULLIVER (part 1-4)

Van mi lir Siro Bates, mi gir a ma patro: vo, kon la asisto e eo de ma onklo John, e somos konexos, mi obtenir qaris sterlingos, e prom de treis sterlingos anye ut me sosteni in Leyden: ye mi studir fizik dun du anyos e sep mesos, spande it sur utila in long travelos.

Jonathan Swift: TRAVELOS DE GULLIVER (part 1-3)

Ma patro me sendir temtempe let sumos de dengo, mi ze spezir po apren de navigo, e os partos de matemat, utila a eos, ki intentar traveli, per mi sem krir it sur, idyes o osyes, ma fortun po fi ete.

Jonathan Swift: TRAVELOS DE GULLIVER (part 1-2)

Ma patro ir un let nomoblayo in Nottinghamshire: mi sir lo trea de qin filyos. Il me sendir a Emanuel Kolejo in Cambridge je isqar anyos d'ajo, vo mi rezidir tre anyos, e eplir miself nire a ma studos; mo lo presyo me sosteni, gre mi ir muy skarsa poshdengo, sir tro grana po un enga fortun, mi sir ligat as aprenter a Siro James Bates, un eminenta kirurgo in London, kon keo mi kontinuir qar anyos.

Jonathan Swift: TRAVELOS DE GULLIVER (part 1-1)

PART I. TRAVEL A LILLIPUT.
KAPITRO I.

(L'autor dar som rakont pri ilself e famil. La prim indukos a travel. Il naufragat, e nagar po sa viv. Il salvijar on bord nel land de Lilliput; il jar prizun, e il portat trul land.)

Versyonos de Neo e lo nuv enso in ma blog

Van mi ensir et blog yoduanyos, mi utir Neo, ki sir prezentat in splenda libro "Cours Pratique de Neo" publikat in 1961. In yen temp mi mul vir tri e kofi an "Rapid Method Of Neo" (1966)- unos exela libro, mo dan mi no riusir it tri. Dok doe na amik Neista Ivan fir labor marva e "Rapid Method Of Neo" nun in interish. Ka ix! E nun mi var dici, ke gre so parlar epe pri Neo, so rare akorgar, ke Neo da anyo 1966 no sam as Neo da 1961! Evide amba versyonos simila, mo ye sar defos. Nel enso mi utir Neo 1961 (es mi par dici ete) in ma blog, mo nun mi opinar, ke plu syuta sar Neo da anyo 1966 - qin anyos ir pasat dep publikazo de "Cours Pratique de Neo" e certe sir Alfandari akorgir lo, ki no sir perfa. Il fir plul melazos e doe prezentir Neo in epe nuv formo. Mi ar komparat amba formos e mi par dici, ke mi prifar Neo da anyo 1966. Ete depnun mi intentar uti lo dua versyon. It siu lo nuv enso in ma blog!